كاوين جيهاد تهحلاڤى
رێڤەبەرێ ھونەرێ مۆزیکێ ل دھۆکێ دیارکر کو جۆدا ژسالا بۆری وان پلانەک بۆ ھاریکاریا سترانبێژ و مۆزیکژەنان دانایە و ب نێرینا وی دێ پلانەکا سەر کەفتی بیت.
ئەمیر سەدیق رِئێڤەبەرێ ھونەرێ مۆزیکێ ل دھۆکێ گۆت: دەمێ ل سالێن بۆری سترانبێژەکی یان مۆزیکژەنەکی داخوازا پشتەڤانیێ ژبۆ چێکرنا ئەلبۆمەکێ یان کلیپەکێ یان پارچە مۆزیکەکێ ژمەدکر، ب رێیا لژنەکا تایبەت ئەو بەرھەم د ھاتە سەنگاندن و ل دووماھی مە گۆژمەکێ پارەی رادەستێ وی کەسی دکر و ئەو ب خوە دچو کارێ خوە پێ ئەنجام ددا، لێ ژبەرکو ل دەمێ بەلاڤبوونێ گەلەک ژوان بەرھەمان ل دووف وی پارێ بۆ ھاتیە تەرخانکرن نەد ئاستێ پێدڤی دا بوون، ل ڤێرە مەرەما من ژلایێ تۆمارکرن و کۆالێتی ڤە ھندەک ژوان نە گەلەک دباشبوون، لەورا بۆ ئەڤ سالە مە بریاردا ئەم پارا نەدەینە چو سترانبێژ و مۆزیکژەنان، بەلکۆ ئەم ل گەل ستودیۆیەکا باش رێککەڤین و ئەو کەس بچن بەرھەمێن خوە لێ تۆمار بکەن و ئەم وەکو رێڤەبەری دێ وان مەزاختیان دەین و ھەکە ھاتو بۆ ھەر کارەکێ ھونەری پێدڤی ب دەرڤەی ولاتی ھەبۆ، ل وی دەمێ دێ دریێا مەدا ھێتە رەوانەکرن.
