Welcome to Vin TV Kurdish entertainment and Music Channel. The #1 kurdish entertainment channel in Kurdistan region Kenalê vîn tv , ڤین تی ڤی

كاوين جيهاد ته‌حلاڤى

بەرپرسێ سەندیکا ھونەرمەندێن کوردستانێ لقا دھوک ئاشکەرا کر کو ئەڤە نە ئێکەم پێنگاڤ و دوماھی پێنگاڤە کو ھونەرمەندان خەلات دکەین ،لێ ئەڤ جارە دێ پێنجی ھونەرمەندێن شێوەکار و درامایی بن ل پارێزگەھا دھوکێ.

زیاد عابد ئەو چەندە ژی ئاشکەرا کر کو ل خەلاتکرن و ھاریکاریکرنا ھونەرمەندانیێ بەردەوامە، کو ئەم شیابوین بەری نوکە ژی د دوو سالان دا شانوڤانان خەلات بکەین و دیسان ژی ھەر د دوو سالان دا موزیکژەنان خەلاتبکەین و ئەڤ جارە ل رۆژا چوارشەمبی رێکەفتی ٢٠/٢/٢٠١٣ ل ھولا شەھید سەلمان دێ ئەو پێنجی ھونەرمەند ھێنە خەلاتکرن کو ب خوشھالی ڤی مە داخواز ژ رێڤەبەریا گشتیا رەوشەنبیری و ھونەری و وەرزش و لاوان کر و ئەوان ژی ب خوشpالی ڤە رازەمەندی ل سەر کر.

كاوين جيهاد ته‌حلاڤى

پشتی سیە سالان ژ ڤەگەریانێ سترانبێژ(عیسام ساوا)ژ وەلاتێ ئەمریکا بۆ کوردستانێ سەرەدانا کەنالێ ڤین کر ب سترانەکا کوردی مەسیکی ب شێوەیێ رێمیکس.
عیسامی گۆت:ئەڤ سترانە بناڤێ(شەڤ شەڤا بارانێ)یە و پەیڤ و ئاواز فولکلوری نە و دێ ھێتە کلیپ کرن ژ لایێ دەرھێنەر (فیراس وەعەد)ڤە و بەرھەم ئینان ژ لایێ کۆمپانیا (ڤین پرۆدەکشن)نە.
ل سەر ھاتنا خوە و تایبەتیا کەنالێ ڤین دبێژیت:ژبەر کارێن وانیێن ژ ھەژی و ل ئاستەکێ پێتڤی من ب فەر دیت سەرەدانێ بکەم چنکو شیایە ب پێشکەفتیانە ھونەرێ کوردی ژ ھەر لایەکی ڤە پێش بێخیت.

كاوين جيهاد ته‌حلاڤى

فلمێ مانۆ خەلیلیێ ب ناڤێ ،ئاپێ ئیربۆم، ب ئەلمانی ،دەر مکەر، رۆژا ٣١.١.٢٠١٣ ل فەستیڤالا نەتەویا سویسرا کو ژ رۆژا ٢٤.١ ھەتا ٣١.١.٢٠١٣ ل باژارێ سۆلۆتھورنا ل دار کەتبوو خەلاتا یەکەم وەگرت.

چیرۆکا فلم:
چیرۆکا فلم ل سەر مرۆڤەکی کوردە، ناڤێ وی „براھیم گەزەر“ (ئاپێ ئیربۆم)، کو ب ئەسلە خوە ژ باژارێ ئەلبستانێیە. ئاپێ ئیربۆم، ھەتا سالا ١٩٩٠ یەک ژ مەزنترین مێشڤانێن کوردیستانێ بو، لێ مخابن، ژ بەر زولم و زۆرداریا رەژیما ترک ھەر تشتێ وی وندا بو. مالا وی خراکرن، مێشێن وی کوشتن و ئەو نەچار ما بەرەڤە و وەکە پەنابەر وەرە سویسرا. ھەر کو ئاپێ ئیربۆم گەلەک کول، دەرد و رۆژێن تاری دەرباس کرنە لێ ئینسانیا خوە و کێفا خوە ژ خوەزایێ و ژ ئینسان رە وندا ناکە. ل سویسرا دیسا دبە خوەدی مێش و چیایێن ئالپێ ژێ رە دبن وەکە چیایێن کوردستانێ.

كاوين جيهاد ته‌حلاڤى

مەبەست ژ کارێ من یێ نوویێ بناڤێ (کەزەبا ئاخێ)ئەوا ل سەر کەرکوکێ ھاتیە دروستکرن ئەوە کو نوکە د ڤی دەمی دا رەوشەکا زور و بێ بەختیا ئێکجار زور لسەرگەلوئاخا کوردا ھاتیەکرن ،لێ بەرامبەر کەرکوکێ دبیت ھندی ئەم بێژین د دەرحەق دەرنەکەڤین.

حەسەن شەریف دبێژیت:کەزەبا ئاخێ ژ پەیڤێن ماموستا(ئەمین بوتانی)یە و ئاوازیا من بخویە و ژ دەرھێنانا(کاوە عادل)ە ، ھەر دیسان ژ بەرھەمێ کۆمپانیا(ڤین پرۆدەکشنە).
حەسەنی ئەوژی ئاشکەرا کر کو دبیت بەرامبەری کەرکوکا دلێ کوردستانێ نەب پەیڤەکێ و نەب ئاوازەکێ دەرھەقا ڤی باژێری کو ھەر کەسەک باوەشا ئازادیێ ب ھەلکێشیت بکەین لێ ھەرا گەشە د دلێ مە ھەموویان دا و دەریایەکا گەلەک مەزنە د دلێ ھەر کوردەکی دا.